HONGERA MH.MBUNGE WA VITIMAALUM IRINGA RITTA KABATI KWA KAZI

Mbunge Vitimaalum mkoani Iringa katika Mahafari ya Shule za msingi Sabasaba na Gangilonga

Mh.Mbunge akizungumza na wazazi na wanafunzi wa naohitim Darasa la saba

Mh.Mbunge akigawa vyeti kwa wanafunzi

 

BODABODA WAMSURUBISHA ASKARI MBELE YA KAMANDA, NAO ABIRIA WASIO VAA HELMENT SASA KUONJA JOTO YA JIWE

BODABODA WAMSURUBISHA ASKARI MBELE YA KAMANDA, NAO ABIRIA WASIO VAA HELMENT SASA KUONJA JOTO YA JIWE

Katibu wa chama cha madereva wa Pikipiki (Bodaboda) Ezekiel Lukosi akipokea koti la usalama barabara - Refractor kutoka kwa kamanda wa jeshi la polisi Iringa ACP Athman Mungi, ikiwa ni joho la kushirikiana na jeshi la polisi  kulinda  sheria za usalama barabarani,  wakati madereva hao walipofuzu mafunzo ya elimu ya usalama barabarani, ambapo walipatiwa vyeti kama ni hati ya kuhitimu mafunzo hayo. 

 Dereva wa Bodaboda akipokea cheti cha uhitimu wa mafunzo ya uendeshaji salama wa Pikipiki, katika ukumbi wa Orofea Kitanzini katika manispaa ya Iringa, hafla iliyohudhuliwa pia na mwenyekiti wa Kamati ya ulinzi na usalama mkoa wa Iringa Bw. Salm Abri- Asas. 

 Cheti ambacho wamekabidhiwa madereva wa Bodaboda manispaa ya Iringa baada ya kuhitimu mafunzo hayo, yenye lengo la kupunguza (kutokomeza) ajali za barabarani, kwa kutoa elimu sahihi ya namna ya udereva huo na ishara za barabarani.

Mkaguzi wa vyombo vya moto (Vehicle Inspector) SP Steven Nyandongo, akiongoza madereva kula kiapo cha udereva wa kujihami, katika hafla ya kukabidhiwa vyeti wahitimu hao.  

   "Nitaheshimu sheria na kanuni za usalama barabarani siku zote za maisha yangu, nitaendesha Pikipiki yangu kwa mwendo unaotakiwa, sitaacha kuvaa kofia ngumu mimi na abiria wangu wakati wote niendeshapo Pikipiki, Sitakubali kupakia abiria zaidi ya mmoja katika Pikipiki yangu, nitaheshimu ishara na alama zote za barabara," Wakisema.

 Mwenyekiti wa Kamati ya Usalama barabarani Bw. Salim Abri- Asas, akizungumza na wahitimu wa kozi ya udereva Pikipiki, ambapo ametoa fulsa kwa madereva 100 wasio na uwezo wa kugharamia kozi, kwa kuwalipia ada ya mafunzo hayo. 

 Mwenyekiti wa chama cha waendesha Pikipiki (Bodaboda) Joseph Mwambobe, akisoma lisara ya wanachama wake mbele ya uongozi wa jeshi la Polisi mkoa wa Iringa, idara ya biashara manispaa pamoja na kamati ya usalama barabarani, katika hafla hiyo. 

 SP Zakaria Benard- Mratibu wa Bodaboda Mkoa wa Iringa.

 Kamanda ACP Athmani Mungi ( wa kwanza kushoto) akiwa na mwenyekiti wa kamati ya usalama barabarani mkoa wa Iringa Bw. Salm Abri- Asas, wakisikiliza maelezo ya wahitimu hao.

 SP- Zakaria Benard- Mratibu wa bodaboda mkoa wa Iringa akitoa taarifa ya mafunzo hayo ya madereva zaidi ya 130 waliopatiwa elimu ya udereva sahihi.

 Mwalimu wa mafunzo ya udereva (wa kwanza kulia) akiwa na mwenyekiti wa chama cha waendesha Bodaboda, ambaye anaandika kumbukumbu za kikao hicho.

 SP- Msangi- mkuu wa kitengo cha usalama barabarani mkoa wa Iringa, akiwa na Vehicle Inspector Steven Nyandongo katika hafla hiyo. 

 Maafande wa kitengo cha usalama barabarani wakisikiliza kwa umakini taarifa ya chama cha waendesha bodaboda.

                                       Madereva wakifurahia jambo.

 Wahitimu wa mafunzo ya udereva wa bodaboda, wakifuatilia jambo katika hafla hiyo.

JESHI la Polisi mkoa wa Iringa limesema linaanza mara moja kukabiliana na abiria wa Pikipiki (Bodaboda) wote ambao watakiuka sheria ya kuwataka kuvaa kofia ngumu (Helment) pindi wanapokuwa katika usafiri huo.

Hayo yalizunbgumzwa na kamnada wa jeshi la Polisi mkoa wa Iringa ASP Athman Mungi wakati wa hafla ya kukabidhi vyeti vya kufuzu mafunzo ya waendesha Pikipiki 140 wa Manispaa ya Iringa, katika ukumbi wa Orofea Mjini Iringa.

ASP Mungi amesema kamwe jeshi hilo halitawavumilia abiria wa aina hiyo kutokana na ukweli kuwa pindi inapotokea ajlai wanaopata madhara ni madereva pamoja na abiria hao, na kuwa hakuna sababu ya kumtoza faini dereva aliyempakia abiria mvunja sheria.

"Sioni kama kunasababu ya kuwapiga faini au kuwapa adhabu madereva wakati abiria ndiyo mwenye makosa, kuanzia sasa tukimkuta abiria ambaye hajavaa Elment ajue yeye ndiyo mwenye kuubeba msalaba wa adhabu ya uvunjaji wa sheria hiyo, na siyo dereva, tunataka kuhakikisha ajali zitokanazo na Pikipiki zinapungua au kuisha akabisa," Alisema Mungi.

Aidha Mungi aliwataka wanasiasa, viongozi wa dini na wananchi kwa ujumla kushirikia katika udhibiti wa vitendo viovu vinavyofanya na baadhi ya madereva hao, ili kuepukana na ajali za kujitakia zitokanazo na uzembe wa madereva hao.

"Ipo haja kwa viongozi wa dini wawapo katika madhabahu wawakumbushe waumini wao juu ya kuzingatia sheria za usalama barabarani, kwani ajali ikitokea inawapoteza waumini wao, vivyo hivyo na wanasiasa nao wanapokuwa kwenye majukwaa wawakumbushea wapigakura wao ili watimize sheria za barabara," Alisema Mungi.

Akisoma lisara ya uongozi wa Polisi mkoa na kamati ya ulinzi na usalama, mwenyekiti  wa  chama cha waendesha pikipiki mkoa wa Iringa Joseph Mwambope  amesema ili kutekeleza dhamira ya polisi jamii na ulinzi shirikishi kuna haja ya kuanzisha zoezi la kuwakamata madereva wote ambao hawana elimu ya mafunzo hayo.

Mwambope amesema pia serikali iwasaidie kupata wadhamini wa kuwakopesha fedha ili waweze kumiliki Pikipiki zao wenyewe, kwa madai kuwa asilimia kubwa ya madereva pikipiki hizo siyo zao, na hivyo huwawia vigumu kukidhi baadhi ya masharti zikiwemo kodi za manispaa zinazotakiwa kulipiwa mara tu dereva anapofanya kazi hiyo.

Aidha Mwambope amesema wamekuwa na ushirikiano mzuri baina ya uongozi wa chama cha bodaboda na jeshi la Polisi, lakini  askari aitwaye Chande amekuwa ni kikwazo cha kazi yao na hata chama kushindwa kudhibiti matukio ya usafiri huo, kwa madai kuwa askari huyo amekuwa akipokea rushwa na kuruhusu Pikipiki zisizostahili kufanya kazi.


"Ndugu mgeni rasmi, kwa muda mrefu sasa kumekuwa na ushirikiano mzuri sana baina ya askari polisi na waendesha bodaboda na hata chama cha waendesha bodaboda, lakini kuna askari anayeitwa Chande- huyu amekuwa ni kikwazo kikubwa katika kumitiza makubaliano yetu na jeshi, kwani amekuwa ni msumbufu, huku akipokea rushwa kwa madereva, na pindi anaponyimwa basi dereva hupata taabu, tusaidie juu ya huyo Chande," Alisema.

Katibu wa chama hicho Ezekiel Lukosi amesema changamoto inayowakabiri ni pamoja na baadhi ya wenzao kutekwa na hata kuuawa na kunyang'anywa usafiri huo, na kupitia muungano huo watafanikiwa kudhibiti pia matukio hayo ya mauaji ya madereva wa bodaboda.

"Hili joho tulilovalishwa ni silaha toisha ya kutusaidia kwanza, kuhakikisha kipa pikipiki inayofanya kazi ya biashara ya usafiri inatambulika, kuanzia huko vijijini hadi hapa mjini wote tunaungana na kuwa kitu kimoja, tutafanikiwa kwa kiasi kikubwa, na pia hata kupunguza ajali, kwani tutawahimiza wenzetu ambao hawajapata elimu hii na hili tutafanikiwa kupitia chama chetu, kwani hatuatakubali pikipiki ifanye kazi bila dereva wake kupata elimu," Alisema Lukosi.

Mwenyekiti wa kamati ya usalama barabarani mkoa wa Iringa Salim Abri -Asas aliahidi kutoa Pikipiki za ulinzi shirikishi, zitakazosaidia kudhibiti vitendo vya uvunjifu wa usalama barabarani, kwa kuwawezesha viongozi wa madereva wa Bodaboda kufika katika matukio kwa wakati.

Asas ametoa nafasi 100 ya elimu kwa madereva ambao wanania ya kupata elimu ya kazi hiyo na wamekuwa wakikwamishwa na ada ya malipo ya kozi, na kuwa hatua hiyo ni kutoa fulsa kwa madereva wote wa Pikipiki kuwa na elimu ya kazi wanayoifanya kwa lengo la kutokomeza ajali.

Hata hivyo kamanda Mungi amemuagiza SP Zakaria Bernad ambaye ni askari mratibu wa Pikipiki mkoa wa Iringa kumsimamisha kazi PC Chande mara moja katika kitengo hicho ili kujenga ushirikiano baina ya chama cha waendesha Pikipiki na jeshi la Polisi kwa madai kuwa malalamiko dhidi ya madereva hao ni dhahiri kuwa askari huyo ni kikwazo cha usalama barabara.

"Kuanzia sasa huyo afande Chande simtaki katika kazi hiyo, aende akafanye shughuli nyingine, kwani huku kwenye Pikipiki ameonekana ni kikwazo, haiwezekani watu wote hawa zaidi ya 100 wakamlalamikia askari wetu mmoja tu huku wakiwapongeza wengine kwa kazi nzuri, muondoe mara moja," Alisema Mungi.

 

Steven Nyatogo ambaye ni mkaguzi wa vyombo vya moto na mwalimu wa vipindi vya usalama barabara alisema lengo la mafunzo hayo endelevu kwa madereva wa pikipiki ni kuifanya kazi hiyo itambulike katika jamii kutokana na mchango wake mkubwa katika sekta ya uchumi.

 

Nyatogo amesema katika mkoa wa Iringa madereva hao watapatiwa elimu, huku jeshi hilo likielekeza nguvu zake pia katika maeneo ya pembezoni mwa mji, kwa kutoa mafunzo kwa madereva na watumiaji wa usafiri wa Pikipiki Vijijini, lengo kuu likiwa ni kutokomeza ajali za barabarani.

MBUNGE RITHA KABATI AZISAIDIA SHULE MADAWATI

MBUNGE RITHA KABATI AZISAIDIA SHULE MADAWATI

 Mbunge Viti maalumu CCM mkoa wa Iringa, Ritha Kabati akishukuru kwa mwakirishi wa mkurugenzi mkuu wa bodi ya michezo ya kubahatisha, (Gaming Board Of Tanzania) kwa kutekelezewa ombi la msaada wa madawati 100.

 Viongozi mbalimbali wa Manispaa ya Iringa wakitazama msaada wa madawati ambao wamepatiwa na mbunge Ritha Kabari.

 Mbunge Ritha Kabati (Viti maalumu CCM) mkoa wa Iringa akiweka saini ya kupokea madawati 100 kutoka kwa mwakirishi wa mkurugenzi wa bodi ya michezo ya kubahatisha, makabidhiano yaliyofanyika katika uwanja wa Sabasaba mjini Iringa.

 Mwakirishi wa mkurugenzi mkuu wa bodi ya michezo ya kubahatisha (Gaming Board Of Tanzania) Sadick Soud Kasuhya akiweka sahihi ya kukabidhi madawati 100 kwa mbunge Ritha Kabati. 

Wakipeana pongezi ya kufanikisha mpango wa kuikabiri changamoto ya uhaba wa madawati Manispaa ya Iringa, baada ya kukabidhi madawati 100 kwa idara ya elimu manispaa ya Iringa kwa lengo la kupunguza tatizo la wanafunzi kukaa Sakafuni.

MBUNGE wa Chama Cha Mapinduzi (CCM) V/Maalumu Ritha Kabati mkoa wa Iringa amekabidhi jumla ya Madawati 100 kwa shule za msingi za manispaa ya Iringa, ili kukabiliana na tatizo la upungufu wa Madawati linalosababisha asilimia kubwa kwa baadhi ya wanafunzi kukaa Sakafuni.

Akikabidhi madawati hayo kwa idara ya elimu Manispaa ya Iringa, Kabati amesema hatua hiyo imekuja baada ya kutambua uwepo wa tatizo hilo kwa shule za Iringa na hivyo kuona umuhimu wa kuwatafuta wahisani ili kusaidiana kutatua tatizo hilo, ambalo linachangia hata elimu mkoani humo kudumaa.

Kabati amesema baada ya kutambua uwepo wa changamoto kubwa ya madawati kwa shule nyingi mkoani Iringa, aliwatafuta wadau na wahisani mbalimbali ili kusaidia kuikabilia changamoto hiyo.

Amesema jambo hilo amejifunza pindi alipokuwa akialikwa kuhudhuria mahafali ya shule hizo ambapo baadhi ya wanafunzi hata kwa shule za manispaa walikuwa wakikosa madawati na kupelekea kukaa chini.

"Nilipoona ukubwa wa tatizo la madawati niliwatafuta wahisani na wadau, nikawaandikia barua nikiwaomba wanisaidie, ninashukuru Gaming Board Of Tanzania, bodi ya michezo ya kubahatisha wamenisaidia tena kwa kiwango kile kile nilichokuwa nimekiomba, ninawashukuru sana," Alisema Kabati.

Naye ofisa wa bodi ya michezo ya kubahatisha nchini Sadick Kasuhya ambaye ni muhisani wa msaada huo, amesema madawati hayo yamegharimu jumla ya shilingi Milioni 6 na laki 5,huku wakijipanga zaidi kusaidia sekta hiyo nyeti ya elimu.

Mwenyekiti wa CCM Wilaya ya Iringa Abeid Kiponza amesema kuna haja kwa wabunge wengine wakaiga mfano wa kiongozi huyo ili kuwaepusha wanafunzi na adha ya kukaa sakafuni.
Kiponza amesema mkoa wa Iringa hauna sababu ya shule wanafunzi wake wakakosa madawati kutokana na kuwepo kwa mashamba makuybwa ya Miti ikiwa pamoja na Msitu wa taifa wa Sao hill.

"Kwanza wabunge wengine mkoani Iringa waige mfano huu, wakifanya jambo kama hili tatizo la uhaba wa madawati kamwe halitakuwepo kwa shule zetu zote mkoani Iringa, hii ni aibu sana, tuna msitu ule wa Sao hill, lakini na sie eti tunaingia kwenye kati ya mikoa yenye tatizo la madawati, hii ni aibu sana, huyu mbunge niwa viti maalumu, n\hana mfuko wa jimbo, lakini amekuwa akifanya mambo makubwa sana, ni msaada wetu mkubwa, licha ya kuwa CCM jimbo la Iringa hatuna mbunge lakini Ritha Kabati huyu anatuwakirisha vyema, " alisema.

Hata hivyo ofisa elimu vifaa na takwimu Manispaa ya Iringa Jane Mwalongo amesema Manispaa ya Iringa bado ina upungufu wa madawati zaidi ya elfu 6, kutokana na kuwa na wanafunzi 26, 858, huku idadi ya madawati ikiwa ni 7415 pekee.

Aidha Mwalongo amesema tatizo la uhaba wa madawati linachangia kupunguza kiwango cha uelewa kwa wanafunzi katika masomo, na kuwa Manispaa inauhitaji wa madawati zaidi ya elfu 13,429, n hiyo ni kutokana na kuwa na upungufu wa madawati 6014.

KINANA AWAPASHA WAWEKEZAJI

KINANA AWAPASHA WAWEKEZAJI

*Awataka kutoa michango ya maendeleo kwa jamii inayowazunguka

KATIBU Mkuu wa Chama Cha Mapinduzi (CCM), Abdulrahman Kinana amewataka wawekezaji nchi kujenga tabia ya kutoa michango ya maendeleo kwenye maeneo ambayo wamewekeza na si  kutoa michango ili kumfurahisha Rais au Waziri Mkuu.

Kinana alitoa kauli hiyo jana katika Kijiji cha Mwendakulima katika Wilaya ya Kahama mkoani Shinyanga ikiwa ni siku yake ya kwanza ya ziara yake ambayo itakuwa kwa Mikoa ya Shinyanga, Simiyu na Mara ambapo akiwa eneo hilo alizungumzia umuhimu wa wawezaji kujitahidi kufanya maendeleo kwa wananchi ambao wamewekeza kwenye maeneo yao.

“Wawekezaji wapo tayari kutoa hadi sh.milioni 200 wakiwa Dar es Salaam, Mwanza au Arusha, lakini ushauri wangu kwao, ni vema wakachangia kwenye maeneo ambayo wamewekeza kwani hiyo itasaidia kuondoa malalamiko lakini pia itakuwa ni jambo jema wananchi kunufaika kutokana na uwekezaji huo.

Alisisitiza kuwa anatambua umuhimu wa wawekezaji kuchangia maendeleo lakini inapendeza zaidi  inapofika mahali wananchi wakawa na maendeleo kutokana na wawekezaji.

Kinana alifafanua hayo zaidi wakati akizindua kituo cha afya kwenye kijiji hicho ambacho kimejengwa na kampuni ya madini ya Buzwagyi ambapo alisema kampuni hiyo imeanza na eneo la afya lakini mwaka mwingine wanaweza kujenga miundombinu ya barabara na mwaka unaofuata kufanya jambo lingine la maendeleo.

Wakati huo huo Katibu Mkuu huyo , alisema kuwa Watanzania wanatakiwa kushiriki kikamilifu kwenye mchakato wa Katiba mpya na kwamba msimamo wa chama chake ni Serikali mbili lakini wapo tayari kwa uamuzi ambao utafanywa na wananchi kwa kuamua aina ya katiba ambayo wanahitaji.

Pia alisema wananchi wafahamu kuwa licha ya umuhimu wa kuwa na Katiba mpya lakini hiyo haitakuwa mbadala wa kuwa na mabadiliko ya maisha baada ya kupatikana kwake ambapo alitoa mifano ya nchi kadhaa Afrika na Asia ambazo zilipata katiba mpya lakini hali ya uchumi kwa watu wake imebaki kuwa ile ile.

Akifafanua kuhusu msimamo wa CCM wa kutaka muundo wa Serikali mbili, Kinana alisema hakuna sababu ya kuwa na Serikali ya tatu kwani kuwanayo ni kuongeza mizigo kwa Mtanzania kwani ni gharama kuindesha kwake lakini pia haitakuwa na kazi.

Pia Kinana akiwa Kahama alizindua Saccos ya Mkombozi katika eneo la Isaka ambapo alitumia nafasi hiyo kuwahimiza wananchi kubuni miradi ya maendeleo lakini pia kwa vijana kujiendeleza kielimu hasa kusoma masomo ya ufundi yakiwamo ya ujenzi, ufundi mchundo na aina nyingine nyingine ya taaluma ya ufundi ambayo itawawezesha kupaa kipato.

Katika kuhakikisha hilo la masomo ya ufundi linafanikiwa,Kinana aliweza kutoa ahadi ya kusomesha vijana 10 wa eneo la Kahama na kwamba kama gharama itakuwa nafuu ataongeza idadi ya vijana ikiwa ni sehemu ya kufanikisha malengo ya vijana.

Wakati huo huo akiwa katika Uwanja wa CDT Kinana aliwataka Watanzania kuwa makini na wapinzani kwani nia yao si kuwaisaidia Watanzania bali n kutafuta maslahi yao na ndio maana wapo tayari kufanya lolote kufanikisha kile wanachokitaka.

 Katibu Mkuu wa CCM Taifa Abdulrahman Kinana akikata utepe kuashiria kukamilika kwa awamu ya kwanza ya jengo la kituo cha afya cha kijiji cha Mwendakulima ambalo limedhaminiwa na Mgodi wa Buzwagi.

MAJIBU YA REGINALD MENGI JUU YA GESI

Septemba 7, 2013 nilipokea barua pepe (email) yenye kichwa cha habari kisemacho “ubinafsi/ufisadi wa MENGI na Chuki/Fitina kwenye Maendeleo”.

Aliyetuma email hiyo alijitambulisha kama “CCM TANZANIA” na email ilisambazwa kwa vyombo vya habari, waandishi na watu wengine wengi wakiwamo wanasiasa. 

 Kabla ya hapo nilifowadiwa nakala ya ujumbe (SMS) na watu ambao walitumiwa na Profesa Sospeter Muhongo, Waziri wa Nishati na Madini na Mbunge inayosema;

“Ambieni Watanzania: Kampuni za Mengi zimeshikilia vitalu 59 vya madini vyenye ukubwa wa mita za mraba 3,752.37 (sq km) Amevishikilia, ameshindwa kuviendeleza.  Watanzania wanakosa mapato na ajira! Sasa anataka vitalu vya gesi na mafuta. Je huu ndio uzawa?|

 

Na

“Mengi hana uzawa bali ubinafsi. Anataka kufanya udalali wa vitalu vya raslimali zetu. Waelezeni Watanzania ukweli huu.”

 

Vile vile Septemba 5, 2013 Profesa Muhongo akijibu swali la Mwandishi wa habari lililouliza;

“Mhe. Waziri tunataka ufafanuzi kuhusu kauli yako ya hivi karibuni kwamba waTanzania hawana uwezo wa kuwekeza katika uwekezaji wa gesi asilia. Kwanza kauli hii ni kweli? Pili kauli kwamba   Watanzania wanaweza kuwekeza kwenye sekta ya machungwa tu huoni kwamba si kwamba unawavunja moyo bali unadhalilisha wewekezaji wazalendo?”

 
Na Profesa Muhongo akajibu:

KINANA AWAPASHA WAWEKEZAJI

“Kila mtu alitoa mawazo ya sera ya gesi wakiwemo TPSF. Mengi na wenzake wanataka vitalu wafanye ulanguzi wa gesi na mafuta yetu. Tutatoa orodha ya vitalu vya madini vilivyoko mikononi wa Mengi ambavyo anafanya ulanguzi. Ukweli utaonyesha ubabaishaji na ulanguzi wa Mengi wa genge lake.”

Nimeona ni vyema nitumie haki yangu ya kujibu (right of reply), lakini kwa wale wanaohusika kusambaza taarifa hizo kuchafua jina langu wajue kwamba kujibu kwangu hakuondoi haki yangu ya kuchukua hatua za kisheria.

Kuingizwa kwa vitalu vya madini katika hoja ya gesi
Huo ni upotoshwaji wenye lengo la kututoa kwenye hoja ya msingi ya rasilimali yetu ya gesi. Sijawahi kufanya udalali kwenye vitalu vya madini. Huu ni uongo wa hali ya juu.
Tamko la TPSF na majibu ya Profesa Muhongo
Siku ya Agosti 28, 2013 Tanzania Private Sector Foundation (TPSF) ilifanya kikao chake cha Bodi na baadaye kufanya mkutano na waandishi wa habari. Mambo mengi yalizungumzwa katika kikao hicho ikiwa ni pamoja na uwezeshaji wa Watanzania (Economic Empowerment).
Kuhusu uwezeshaji Watanzania, mambo muhimu matatu yalijadiliwa na kutolewa mapendekezo. Mambo hayo ni 1) Manunuzi ya Umma (Public Procurement); 2) Ardhi na uvuvi; na 3) suala la gesi asilia.

Kwenye mkutano na waandishi wa habari, mimi nikiwa Mwenyekiti wa TPSF, niliwasilisha maoni ya TPSF kuhusiana na Manunuzi ya Umma, wakati Makamu Mwenyekiti wangu, Salum Shamte, aliwasilisha maoni yetu kuhusiana na sekta ya ardhi na uvuvi na mwishoni Mkurugenzi Mtendaji wa TPSF, Godfrey Simbeye, aliwasilisha maoni TPSF kuhusiana na gesi asilia.

Katika maoni yake TPSF ilisisitiza umuhimu wa ushirikishwaji wa Watanzania katika uchumi wa gesi na kushauri kusitishwa ugawaji wa vitalu vya gesi hadi hapo sera ya gesi itakapokua tayari. Mwisho Bwana Simbeye alisema kwamba TPSF itaomba kukutana na Profesa Muhongo kuwasilisha mawazo na mapendekezo ya taasisi hiyo.

Siku chache baada ya TPSF kutoa maoni yake mambo mawili yalitokea. Kwanza Profesa Muhongo alijibu kupitia vyombo vya habari kwamba mpango wa kugawa vitalu vya gesi na kuingia mikataba utaendelea.

Profesa Muhongo pia alisema wazi kwamba hana mpango wa kukutana TPSF, kwani kufanya hivyo ni kupoteza muda.

Matokeo yake Profesa Muhongo hajajibu hoja kuhusiana na barua aliyoandikiwa na TPSF. Binafsi nilishitushwa na msimamo wa Profesa Muhongo kwani Serikali ya awamu ya nne imepiga hatua kubwa katika kudhihirisha kuwa ni “serikali sikivu”. Ingemgharimu nini Profesa Muhongo kukaa na kutusikiliza? Hakuna ambacho angepoteza zaidi ya dakika chache za muda wake.

Jambo la pili ambalo lilitokea ni mimi binafsi kushambuliwa kana kwamba maoni yaliyotolewa kuhusiana na gesi ni maoni yangu binafsi na si ya TPSF.
Mifano ya mashambulizi dhidi yangu ni kama nilivyoonyesha hapo juu katika email na ujumbe mfupi wa simu (SMS).
Msimamo wa Profesa Muhongo katika gesi ni upi?
Msimamo wa Profesa Muhongo mara baada ya kuteuliwa kuwa Waziri wa Nishati na Madini ulikuwa ni kutaka kupitishwa kwanza kwa sera ya gesi asilia kabla ya kuendelea na ugawaji wa vitalu vya gesi.

Septemba 2012, Profesa Muhongo alisema;

“Some of the agreements are really shoddy and they need to be revoked” and “I can’t tolerate agreements which are not in the country’s interests but they benefit a few individuals”.

Tafsiri yake ni:

“Baadhi ya mikataba ni ya ovyo, na inahitaji kuvunjwa” na “Sitovumilia mikataba ambayo haina maslahi kwa nchi na inawanufaisha wachache”.

 http://www.energy-pedia.com/news/tanzania/new-151679

Baada ya hapo, Profesa Muhongo aliamrisha Bodi mpya ya TPDC kusitisha ugawaji wa vitalu vya gesi ambao ulipangwa kufanyika mwezi Septemba 2012 na kupitia upya mikataba yote. Profesa Muhongo alinukuliwa akisema:

	‘Earlier this month, the state-run Tanzania Petroleum Development Corporation (TPDC) delayed a licensing round for nine deep-sea oil and gas blocks previously set for this month until a parliamentary vote on a new gas policy in October. "Right now as a country, we are in the gas boom and we don't have gas policy in place.”
	[…]
	Recent gas strikes off east Africa's   seaboard have led to predictions the region could become the third largest exporter of natural gas on the planet.
	"Our country is reviewing its policy. Is that something new?" he said. "We want both the companies that are investing in the country and Tanzanians to benefit from the oil and gas projects."
	[…]
	"This is completely new business to us. We are learning," Muhongo said.’

Tafsiri yake ni:

	‘Mwanzoni wa mwezi huu TPDC ilihairisha mchakato wa ugawaji wa vitalu tisa vya gesi asilia vilivyoko baharini hadi hapo Bunge litakapopitisha sera mpya ya gesi iliyowasilishwa bungeni mwezi Oktoba; "Kwa sasa kama Taifa, tuko katika mazonge ya gesi na hatuna sera ya gesi.  "Nchi yetu inaandaa sera (ya gesi). Hicho ni kitu kipya?..."  "Tunataka kampuni zote, kampuni zinazowekeza nchini mwetu na Watanzania tunufaike na miradi ya gesi na mafuta." "Hii  ni biashara mpya kabisa kwetu. Tunajifunza."

 
http://www.reuters.com/article/2012/09/18/tanzania-exploration-idUSL5E8KIPEJ20120918

Zoezi wa la kugawa vitalu vya gesi asilia lilisitishwa lakini hadi sasa matokeo ya kupitia upya mikataba hayajatolewa hadharani.

Miezi michache baadaye, Februari 26, 2013, Profesa Muhongo alisisitiza msimamo wake wa kutaka Tanzania kuwa na sera ya gesi kabla ya kugawa vitalu zaidi. Aliyasema hayo alipokua akihutubia mkutano uliofanyika Chatham House, mjini London. Mkutano huo uliopewa jina “Tanzania: An Emerging Energy Producer”. Ulikuwa na madhumuni ya:

“Tanzania is drawing growing attention as a pivotal country in East Africa for oil and natural gas exploration, having led the region in terms of new discoveries of natural gas in 2012. With known gas reserves of approximately 7.5 billion cubic feet, the potential to transform Tanzania's international standing and domestic electricity production is considerable. However, recent protests against the construction of a pipeline to Dar es Salaam highlight the challenges that Tanzania faces in ensuring that the benefits of its natural resources are widely felt.

Tafsiri yake ni:

“Tanzania inaonyesha kuja juu katika Afrika Mashariki kwa uvumbuzi wa mafuta na gesi asilia baada ya kuongoza kwa uvumbuzi wa gesi asilia mwaka 2012. Ikiwa na wastani wa futi za ujazo bilioni 7.5, ni dhahiri itasaidia Tanzania kupaa katika anga za Kimataifa na kusaidia uzalishaji wa umeme kwa matumizi ya ndani. Hata hivyo, vurugu za hivi karibuni kupinga ujenzi wa bomba la gesi kwenda Dar es Salaam inaashiria changamoto mpya ambazo Tanzania sasa inakabiliana nazo kuhakikisha kwamba manufaa ya gesi asilia yanawafikia watu wengi zaidi wa chini.”

Alichowasilisha Profesa Muhongo katika mkutano huo kwa ufupi kinapatikana katika tovuti hii;

http://www.chathamhouse.org/events/view/189235

Kama inavyonekana kwenye kiambatanisho, moja ya nyaraka aliyowasilisha Profesa Muhongo inaonyesha kwamba mchakato wa kuanza ugawaji wa vitalu ungeanza baada ya kupitishwa kwa sera ya gesi.

 Hadi sasa hatuna sera ya gesi asilia.

Lakini jambo la kushangaza, Profesa Muhongo amebadilika na anataka vitalu vigawiwe kabla ya kuwapo kwa sera gesi.

Sababu za kubadilika kwa Profesa Muhongo hazina mashiko

Profesa Muhongo amenukuliwa na gazeti la Daily News la Agosti 31, 2013 akieleza sababu zake za kutaka vitalu vigawanywe kabla ya kupitishwa kwa sera ya gesi. Sababu kuu alizozisema ni tatu; (1) Ushindani wa soko na majirani zetu akitolea mfano wa Msumbiji (2) Sheria ya mwaka 1960 iliyoanzisha TPDC na Sheria ya Petroli ya mwaka 1980 kwamba zinatosha kusimamia ugawaji wa vitalu akimaanisha sera na sheria mpya zitafuata baada ya ugawaji wa vitalu; na (3) Watanzania hawana uwezo wa kuwekeza katika sekta hii akimaanisha waachiwe wageni peke yao.

Maelezo kwamba tunashindana na Msumbiji haya halalishi ugawaji vitalu kabla ya sera. Utafiti wa gesi asilia ni jambo linachokua muda mrefu, ndio maana TPDC wanaingia kwenye mikataba ya muda mrefu (isiyozidi miaka 11 kwenye utafiti na miaka 25 kwenye uchimbaji). Kwa hiyo kusubiri miezi michache ili Bunge letu liidhinishe sera, haiwezi kuathiri ushindani wa kibiashara. Hata nchi Msumbiji anayoizungumzia hivi sasa inapitia upya mpango wake wa uwekezaji katika gesi asilia na kuingiza sera na sheria mpya zitakazo simamia rasilimali hiyo. Katika mahojiano yaliofanyika na jarida la Africa Report mwezi Julai mwaka huu, Naibu Waziri wa Nishati wa Msumbiji, Mh. Abdul Razak Noormahomed, alisema madhumuni ya mabadiliko hayo ni kuwapa kipaumbele wananchi wa Msumbiji.

Mohojiano haya yanapatikana katika anuani ifuatayo:
http://www.theafricareport.com/Interview/extractive-industry-the-goal-is-to-give-an-edge-to-mozambicans-noormahomed.html). 
Kama nilivyoeleza hapo juu, mara baada ya Profesa Muhongo kuingia wizarani alisema kinaga ubaga kwamba sheria iliyopo haikidhi mahitaji ya sekta ya gesi asilia ndiyo maana akasimamisha ugawaji wa vitalu vya gesi na kuamrisha mikataba ipitiwe upya na sera ipatikane. Leo tunashuhudia Profesa Muhongo akila matapishi yake na kusema kwamba sheria zile zile alizoziponda sasa zinafaa.
Kauli ya Profesa Muhongo kwamba wafanyabiashara wa Tanzania wanaweza tu kushiriki biashara ya juisi na soda na hawana uwezo wa kushiriki katika biashara ya gesi yao ni dharau.

Kigezo gani Profesa Muhongo anatumia kutoa kauli ya jumla yenye kutawaliwa na hisia? Amefanya utafiti gani kupima uwezo wa kifedha wa wafanyabiashara wa kitanzania? Kwa taarifa yake, wapo wafanyabiashara wengi ambao wanaweza kupata fedha kwa ajili ya kuchimba visima vya gesi. 

Ni dhahiri kwamba Profesa Muhongo anathamini tu kampuni za kigeni, anasahau kwamba kuna mifano ya kuwapo kampuni za kigeni ambazo zimekua zikifanya udalali hapa nchini kwa miaka mingi kwenye rasilimali za nchi yetu ikiwa ni pamoja na madini na gesi.

Uzalendo wangu:

Ningependa kupuuza tuhuma kwamba mimi si mzalendo Wantanzania wanafahamu ukweli. Vile vile ningependa kupuuza tuhuma kwamba mimi ni mbinafsi na sipendi maendeleo ya Watanzania wenzangu kwa hili pia Watanzania wanafahamu ukweli

Kuhusu Kilimanjaro Hoteli na mgogoro na Yussuf Manji n.k, mtizamo wako unategemea wewe upo katika kundi lipi kati ya kundi safi la waadilifu au kundi chafu la wala rushwa. Watanzania wanafahamu msimamo wangu kwenye hili.

Mimi sipingi kuwepo kwa wawekezaje wageni katika sekta ya gesi lakini kuna mambo mawili napigania.

 Kwanza Watanzania wanufaike na rasilimali yao ya gesi na pili iwepo sera ya gesi inayotoa kipaumbele kwa Watanzania

Mimi napenda maendeleo ya nchi yangu; kwa hiyo hata siku moja siwezi kupinga uwekezaji ama ubia na wawekezaji. Ninachosimamia ni manufaa kwa nchi yangu.

Tuhuma kwamba nafanya kampeni dhidi ya wizara

Tuhuma kwamba nimeandaa kongamano kwa ajili ya vijana wa Chadema si za kweli. Huu ni uzushi usio na kichwa wala miguu. Vile vile madai kwamba naitumia vibaya vyombo vya habari vya IPP Media si ya kweli hata kidogo ikizingatiwa kwamba hata mahojiano ya Profesa Muhongo kwa simu akiwa Austria, yalirushwa na kituo cha redio cha Radio Stereo kinachomilikiwa na kampuni yangu ya ITV-Independent Television Limited.

Hitimisho

Julai mwaka huu, Rais wa Marekani Barack Obama, alihitimisha ziara yake ya Kiserikali nchini Tanzania, kwa kusema;

	“Ultimately the goal here is for Africa to build Africa for Africans.”
	Akimaanisha kwamba, Hatimaye Lengo ni Africa kujenga Africa kwaajili ya Waafrica

                                                        

Profesa Muhongo asipingane na ushauri huu mzuri.

Nimalizie kwa kuwahakikishia Watanzania kwamba mashambulizi binafsi dhidi yangu yenye nia mbaya ya kunishushia heshima hayatakaa yafanikiwe.

Wenu,

Dk. Reginald A. Mengi

ZIARA YA VIONGOZI WA CCM WILAYA YA MAKETE YAZIDI KUIBUA MENGI"

ZIARA YA VIONGOZI WA CCM WILAYA YA MAKETE YAZIDI KUIBUA MENGI"

Katibu wa CCM wilaya ya Makete Miraji Mtaturu (kulia) akizungumza katika ziara ya kukagua maendeleo ya shule ya msingi Nkenja wilayani Makete, kushoto kwake ni mwenyekiti wa chama hicho wilaya ya Makete Francis Chaula(Picha zote na Edwin Moshi)

Viongozi wa CCm wilaya ya Makete wakikagua chumba cha darasa wanachosomea wanafunzi wa darasa la tatu na la nne kwa pamoja

 Katibu wa CCM wilaya ya makete Miraji Mtaturu, mwenyekiti Francis Chaula na diwani wa kata ya Kitulo Mbosa Tweve wakisikiliza maelezo kutoka kwa mkuu wa shule ya msingi Nkenja Hester Mahenge ofisini kwake

 Viongozi wa CCM wakikagua ujenzi wa madarasa unaodaiwa kusuasua, mwenyekiti wa CCM wilaya ya makete (katikati) akizungumzia ujenzi huo

 darasa wanalotumia wanafunzi wa darasa la kwanza na la pili kusomea

 Turubai linalotumika kama bati kwenye jengo hilo

 Vyumba viwili vya madarasa ambavyo vinafaa kwa matumizi shuleni hapo