WAJUMBE WA MKUTANO MKUU MAALUM WA UTPC WATAKA MASLAHI YA WAANDISHI KUPIGANIWA 

 Wajumbe  wa  bodi ya  UTPC  wakifuatilia hoja  za  wajumbe  wa  Rasmu ya katiba ya  UTPC  leo mjini  Dodoma

 Wajumbe wa mkutano mkuu maalum wa  UTPC wakiwa katika mchakato  wa  utoaji  wa maoni ya  rasmu  ya katiba mpya  ya UTPC unaoendelea  mjini  Dodoma

 

 Mwenhyekiti  wa IPC Bw  Frank Leonard  akiwa katika ukumbi  wa  mkutano  huo

 Mwenyekiti  wa  Lindi Abdulaziz Video akiwajibika

katibu  wa Tanga  Press Club Bi  Lulu  George  akiwa  katika mkutano  huo 

 

WAKATI  kilio  kikubwa  cha  wanahabari  nchini  kikiwa  ni maslahi  duni  wanayolipwa na  vyombo ,wajumbe  wa  mkutano  mkuu maalum wa  umoja  wa  vilabu  vya  waandishi  wa habari Tanzania  (UTPC)  wameshauri katika katiba  mpya  ya  UTPC kutoa nguvu  zaidi ya  UTPC kusimamia maslahi  ya  wanahabari nchini.

Wakichangia rasmu ya katiba  ya UTPC leo  katika  ukumbi wa Golden Grown Hotel mjini  hapa  wajumbe  hao ,walisema  kuwa  moja kati ya  kilio  kikubwa  cha  wanahabari nchini ni juu ya maslahi  duni ambayo wanahabari  wamekuwa  wakilipwa hapa nchini.

Hivyo  wameshauri  katiba  mpya  ya  UTPC  kuingizwa  kifungu  ambacho  kitasimamia masilahi stahiki kwa  wanahabari  hapa  nchini  kutoka na  chombo  kilichopewa  kuifanya kazi  hiyo TUJ kutangazwa  kufutwa  rasmi  kutokana na kupoteza  sifa.

Aidha  wajumbe  hao  walisema  kuwa  kuwepo kwa  mtetezi  wa  kweli  wa  maslahi stahiki  kwa  mwanahabari  itakuwa ni  moja ya  njia ya  kuboresha  taaluma ya  habari  hapa nchini na  kumfanya  mwanahabari kuheshimu na kuthamkini kazi  yake .

Kwa  upande  wake  Rais  wa UTPC Keneth  Simbaya  alisema  kuwa  UTPC  imeanza mchakato  wa  kuifufua  TUJ ili  kusaidia  kusimamia   maslahi ya  wanahabari na kuwa mchakato  wake  unakwenda  vema.
“ Tumeanza  jitihada  za  kutetea maslahi  ya  waandishi  wa habari  nchini na  tupo  katika  hatua  nzuri  ya  kufikia malengo  tuliyojiwekea”

Alisema  shabaha  ya  UTPC  ni  kuona  wanachama  wake na  wanahabari  nchini  wanafanya kazi  hiyo kwa kujituma  zaidi na kupata  maslahi  yanayotakiwa kwa  kazi anayoifanya.

Katika  hatua  nyingine Bw  Simbaya  aliwataka  viongozi  hao  wa vilabu  kufanya  kazi  kwa  kujituma  ili  kuboresha  vilabu  vyao  na  kuonya  wale  wanaoingia katika nafasi  za  uongozi kwa ajili ya  kutafuta  posho 

Kwani  alisema  iwapo  wapo  viongozi  wameingia katika uongozi  kwa  ajili ya  posho ni  vema  wakajitathimini  upya   kabla  ya  kuendelea  kuwa viongozi  wa  posho  badala ya  kuwa  viongozi  wa vilabu.

Mkurugenzi Mtendaji wa UTPC, Abubakar Karsan akizungumzia  kuhusu uwiano wa uongozi  unaozingatia jenda  na  kuwa  iwapo klabu  kitakuwa na  viongozi  wasio zingatia jenda  basi klabu  hiyo itakuwa  imepoteza  sifa  kwani lengo la  UTPC ni  kuwawezesha  wanawake  pia  kuingia katika nafasi  za  uongozi .